Believe (ယုံကြည်မှု) သခင်ယေရှုက ကျွန်ုပ်ရဲ့ အပြစ်တရားတွေအတွက် အသက်ကိုစတေးခံပြီး ပြန်လည်ရှင်သန်ထမြောက်ရင်း သူက အစစ်အမှန်အရှင်သခင်ဖြစ်ကြောင်း သက်သေပြခဲ့ပုံကို ကိုယ့်နှလုံးသားထဲကနေ ယုံကြည်ပါ။

Confess (ဖွင့်ပြောပါ) ကိုယ့်ရဲ့ အပြစ်တရားကို ဖွင့်ပြောပြပြီး ဘုရားသခင်ရဲ့ ကြီးမြတ်တဲ့ ခွင့်လွှတ်မှုကို တောင်းဆိုပါ။ ဘုရားသခင်ရဲ့ အကူအညီကို ရယူပြီး ဘယ်အပြစ်တရားမဆိုရဲ့ ဝေးရာကို သွားဖို့ဆန္ဒရှိအောင်လုပ်ပါ။ သခင်ယေရှုကို ကိုယ့်ရဲ့ သခင်နှင့် ကယ်တင်ရှင်…ကိုယ့်အကြီးအကဲအဖြစ် လက်ခံပါ။

သင်က ဘုရားသခင်ရှေ့မှောက်ကို မလာခင် သင့်ဘ၀ကို သန့်ရှင်းအောင် မလုပ်နိုင်ပါဘူး။ သင့်ရဲ့အရှိတိုင်းပဲ လာရောက်ရမှာဖြစ်ပါတယ်။ ဘုရားသခင်က အကြွင်းမဲ့ အပြစ်ကင်းစင်တာကြောင့် သူက ကျွန်ုပ်တို့ရဲ့ သန့်ရှင်းစင်ကြယ်မှုတွေ ဒါမှမဟုတ် ကောင်းမှုတွေအပေါ် အထင်ကြီးတာမျိုးမရှိပါဘူး။ သူက ကျွန်ုပ်တို့ကို ခွင့်လွှတ်ခံရဖို့နှင့် လွတ်မြောက်ဖို့ ဖိတ်ကြားပေးပါတယ်။

ဒီတော့ သင်ဘယ်လိုထင်ပါသလဲ။ သခင်ယေရှုကို သင့်ဘ၀ရဲ့ ဘုရင်ဖြစ်ပေးဖို့ ယနေ့တောင်းဆိုခြင်းကနေ သင့်ကို ဘယ်အရာက တားဆီးနေပါသလဲ။ တစ်ခုမှမရှိဘူးလား။

ဒါဆို ဒီဆုတောင်းစကားကို သင့်နှလုံသားထဲကနေ အခုပဲဆုတောင်းလိုက်မလား။

သင့်နှလုံးသားထဲကနေ တကယ်ယုံကြည်တယ်ဆိုရင် ဒီဆုတောင်းစာကို အခုပဲရွတ်ဆိုလိုက်ပါ -

“ချစ်ရပါသော သခင်ယေရှု၊
ကျွန်ုပ် အမှားလုပ်ခဲ့မိကြောင်းနှင့် ကျွန်ုပ်က အပြစ်သားတစ်ယောက်ဖြစ်ကြောင်းကို ဝန်ခံပါတယ်။ ကျွန်ုပ်ရဲ့ အပြစ်တရားအတွက် ကျွန်ုပ်တောင်းပန်ပါတယ်။ သခင်က ကျွန်ုပ်ကိုယ်စား သေဆုံးပေးခဲ့ပြီး ပြန်လည်ရှင်သန်ထမြောက်လာကြောင်းကို ကျွန်ုပ်ယုံကြည်ပါတယ်။ ဒါကြောင့် ကျွန်ုပ်ရဲ့ အပြစ်တရားတွေကို သခင့်ထံ ဖွင့်ပြောပါရစေ။ ကျေးဇူးပြု၍ ကျွန်ုပ်ကို ခွင့်လွှတ်ပေးပြီး အသစ်က ပြန်စနိုင်အောင် လုပ်ပေးပါ။ သခင့်ကို ကျွန်ုပ်နှလုံးသားရဲ့ အကြီးအကဲနှင့် အရှင်သခင်ဖြစ်ပေးဖို့ တောင်းဆိုပါတယ်။ သခင့်အတွက် ရှင်သန်နိုင်အောင် ကျွန်ုပ်ကို ယခုကူညီပေးပါ။ သခင့်ရဲ့ ကြီးမြတ်တဲ့ ချစ်မေတ္တာနှင့် ခွင့်လွှတ်မှုအတွက် ကျေးဇူးတင်ရှိပါတယ်။ သခင်ယေရှုရဲ့ နာမတော်နှင့် ကျွန်ုပ်ဆုတောင်းလိုက်ပါတယ်…အာမင်။”